Notícies Veir istoric
Er Ajuntament de Vielha e Mijaran daurís un procès de participacion publica entà elaborar eth reglament d’usatge des equipaments socioculturaus
Se daurís un periòde de 10 dies àbils entà respóner ua enquèsta que permeterà auer un màger coneishement dera matèria per part dera ciutadania, e qu’ei disponibla ena plana web deth consistòri
Er Ajuntament de Vielha e Mijaran a iniciat un procès de participacion publica damb er objectiu d’elaborar eth tèxte deth futur “Reglament d’usatge des equipaments socioculturaus municipaus”, ua airina clau entà garantir ua gestion transparenta, equitativa e adaptada as besonhs dera ciutadania.
Aguest procès participatiu vò recuélher es aportacions, suggeriments e propòstes dera poblacion, atau coma des entitats, associacions e collectius que hèn un emplec abituau d’aguesti espacis. Eth reglament establirà es critèris d’utilizacion, es nòrmes de foncionament e es condicions d’accès as equipaments socioculturaus deth municipi, que son: Era Audiovisuau, era Cabana de Sasplàs, Eth Ressèc, eth Casau deth Jubilat “Sant Miquèu” e eth Centre de Joenessa “Antara”.
Era participacion ciutadana ei fondamentau entà dessenhar ua normativa consensuada, que fomente er us responsable des espacis publics e refòrce eth sòn ròtle coma lòcs de trobada, convivéncia e dinamizacion sociau e culturau. utilizacion des espacis. Es problèmes que se vòlen solucionar damb era iniciatiua son: Establir un marc legau unic e coerent entà toti es equipaments socioculturaus municipaus, garantir era igualtat de condicions en accès e usatge des espacis, facilitar eth procediment de cession damb critèris clari e transparents e assegurar er emparament des bens municipaus e era corrècta utilizacion des recorsi publics.
Es persones interessades poderàn respóner era enquèsta a compdar d’aué e que demorarà daurit, a compdar de deman, pendent 10 dies abils, a trauès deth següent ligam: https://vielhaparticipa.my.canva.site/
Aguesta enquèsta ei abilitada enes tres idiòmes oficiaus: aranés, castelhan e catalan.
Er Ajuntament de Vielha e Mijaran encorage a tota era ciutadania a participar activaments en aguest procès, contribuïnt atau a elaborar un reglament que respone as besonhs reaus deth municipi e que promòigue ua gestion participativa des equipaments socioculturaus.
Atau madeish, s’a abilitat un corrèu electronic de participacion ciutadana entà que quinsevolh persona pogue hèr aportacions, e que seràn degudaments incorporades ena consulta. Aguest corrèu ei participacion@vielha-mijaran.org
Segontes soslinhe eth baile de Vielha e Mijaran, Juan Antonio Serrano, “volem qu’aguest reglament sigue frut deth dialòg e dera participacion ciutadana. Es equipaments socioculturaus son espacis compartidi que cau gestionar damb critèris clars e consensuadi, entà garantir-ne un emplec just e respectuós entà toti e totes”.
Lieger mès
26/01/2026
Reforma des installacions d’enlumenat public exterior deth municipi de Vielha e Mijaran e substitucion per tecnologia led en tot includir telegestion
Era obra consistís era
Lieger mès
18/09/2025
Eth plen der Ajuntament de Vielha e Mijaran apròve, iniciauments, eth pressupòst municipau de 2026 avalorat en 8.911.438,54€
Lieger mès
12/11/2025
Vielha e Mijaran apròve era exempcion deth pagament der IBI entar Espitau Val d’Aran e era Residéncia Geriatrica Sant Antòni de Vielha
Lieger mès
