Notícies Veir istoric
Eth plen der Ajuntament de Vielha e Mijaran apròve, iniciauments, eth pressupòst municipau de 2026 avalorat en 8.911.438,54€
Aguest pressupòst puge en un 3,12% en relacion ath pressupòst de 2025, en tot aplicar ua regularizacion de bona part des impòsti e taxes municipaus en un 2%, en tot adaptar-les ar aument segons er IPC de 2025
Aguest dimèrcles, eth plen der Ajuntament de Vielha e Mijaran ven d’aprovar iniciauments, en session ordinària, eth pressupòst municipau de 2026 avalorat en 8.911.438,54€. Açò supause un aument de 269.274,36€ en relacion ath pressupòst de 2025 e represente ua pujada deth 3,12%.
Per prumèr viatge, i aurà un totau de 420.284,99€ entà inversions reaus, destinadi a aquerir materiau entà desparières bastisses, e tanben naua maquinària e mobiliari municipau.
Eth pressupòst a compdat damb es vòts a favor deth govèrn municipau d’Unitat d’Aran, e es vòts en contra des partits dera oposicion de Convergéncia Aranesa e Aran-Amassa.
Atau madeish, eth plen tanben a aprovat era regularizacion de bona part des impòsti e taxes municipaus ath torn deth 2% (IBI, IVTM, ICIO e IAE entre d’auti), en tot adaptar-se segons er IPC acumulat der an 2025.
“Damb era aprobacion d’aguest pressupòst compdam damb era despena en inversion reau mès anauta dera istòria d’aguest consistòri. Ei vertat qu’aguesta quantitat ei gràcies, en part, ara leugèra pujada des impòsti e taxes, mès se volem un municipi atractiu mos cau uns ingrèssi que permeten un avient foncionament ordinari der ajuntament”, comente eth baile de Vielha e Mijaran, Juan Antonio Serrano.
12/11/2025