Betren
INFORMACION
Eth pòble de Betren ei actuauments junhut damb Vielha pes cases e avengudes qu’arriben enquiara madeisha entrada deth sòn casc ancian, qu’ei un des mès polidi dera Val peth sòn sabor rustic e es sues cases de pèira. Destaque era sua glèisa dedicada a Sant Esteue, es prumèrs referents dera quau son deth sègle XIV e supausen un preludi der art gotic, e a on tanben trobam mòstres dera convivéncia deth romanic e eth gotic, tant ena sua configuracion arquitectonica coma escultorica.
