ES | CA | AR |

Newsletter

Email

Nòm

Cognòms

Soscriu-te

Agenda

16/05/2020

NÒTA INFORMATIVA DERA ALCALDIA

I a fòrça promotors e petiti empresaris dera construccion e d’auti servicis qu’actuauments realizen òbres privades que dilhèu non pòden controtlar s’es sòns trabalhadors complissen es critèris de seguretat, igiene e salut qu’establís era nòrma dictada peth Govèrn der Estat deuant era crisi sanitària deth coronavirus COVID-19.


Açò provòque
ua cèrta alarma sociau pr’amor qu’es vesins e vesies ven coma en quauques òbres privades se contunhe damb era activitat laborau ordinària en ua situacion d’emergéncia coma era que toti/es patim.


Er Ajuntament
non a competéncia entà paralisar aguestes òbres mès des dera Alcaldia de Vielha e Mijaran se demane as promotors e contractistes que paralisen era sua activitat se non pòden garantir damb totau seguretat que s’adòpten es mesures legaus entà evitar possibles contagions e era propagacion dera malautia.


Tanben se demane a totes es persones
confinades enes sòns domicilis qu’adòpten totes es mesures de besonh entà organizar es sues crompes enes establiments d’alimentacion, farmacies, estancs, e d’auti autorizadi de dubertura, damb mès espaci damb era fin de gésser de casa damb era menor frequéncia possibla pendent aguesti dies.


Pendent es pròplèu dies entraram
laguens deth periòde mès perilhós ara contagion, per açò toti deuem hèr eth major esfòrç en demorar-mos confinadi enes nòsti domicilis e contribuïr damb açò a frenar aguesta pandémia.

28/03/2020

Mapa

Cerques quauque lòc en Vielha e Mijaran?

Cerques quauque lòc en Vielha e Mijaran?

Tel +34 973 640 018 info@vielha-mijaran.org C/ Sarriulera 2. Vielha 25530 Lleida