ES | CA | AR |

Newsletter

Email

Nòm

Cognòms

Soscriu-te

Agenda

27/05/2017

Er Ajuntament de Vielha e Mijaran lance era sua naua App de Participacion Ciutadana

Transparéncia e participacion ciutadana son es bases d’aguesta naua App qu’a coma objectiu fomentar era interaccion entre es vesins de Vielha e Mijaran e er Ajuntament.

Er Ajuntament de Vielha e Mijaran presente era sua naua App de Participacion Ciutadana damb era que es ciutadans de Vielha e Mijaran auràn ara sua disposicion un canau de comunicacion dirècta e bidireccionau entà establir ua relacion mès estreta damb er Ajuntament.
Des d’aguesta naua App, es ciutadans de Vielha e Mijaran pòden participar ena planificacion intelligenta de tot eth municipi en tot aportar es sues inquietuds e suggeriments, ath de conéisher totes es notícies d’interès, era agenda d’activitats, ordenances municipaus, sedença electronica, portau dera transparéncia e notificar incidéncies de tot eth municipi.

Era App permet as ciutadans èster ath dia des novetats dera agenda d’activitats de Vielha e Mijaran, toti es eveniments son comunicadi mejançant notificacions push as persones soscrites. Tanben se destaque er accès dirècte a incidéncies, ua categoria dera App que permet as ciutadans informar dirèctament mejançant er enviament d’ua fotografia e un brèu tèxte d’imprevisti es vies publiques, seguretat, contratemps derivadi dera nhèu (barrament de carrèrs, carrèrs inaccessibles…), atau coma era notificacion de quan s’a vist o trapat un animau perdut, entre auti ahèrs.

Ath delà de fomentar era participacion activa damb es ciutadans e era transparéncia des accions municipaus, aguesta App de Participacion Ciutadana der Ajuntament de Vielha e Mijaran cree comunitat entre es abitants, en tot animar a toti a hèr part des decisions municipaus e en tot apropar era politica locau ara poblacion.

Descarga en iOS e Android

22/05/2017

Mapa

Cerques quauque lòc en Vielha e Mijaran?

Cerques quauque lòc en Vielha e Mijaran?

Tel +34 973 640 018 info@vielha-mijaran.org C/ Sarriulera 2. Vielha 25530 Lleida