Notícies Veir istoric
Ja son en foncionament es concorsi deth 23au aniversari dera Bibliotèca Generau de Vielha
Entà celebrar aguest aniversari, ja son en foncionament es tradicionaus concorsi: 9au Concors de Microrelats e eth 8au Concors de fotografia “Eth Mèn Repopet”
Era Bibliotèca Generau de Vielha celèbre enguan eth sòn 23au aniversari e, coma ja ei abituau, s’an metut en foncionament es tradicionaus concorsi d’aguest equipament municipau de Vielha e Mijaran.
Per un costat, era 8au edicion deth Concors de Microrelats a trauès deth corrèu electronic dera bibliotèca (biblioteca@vielha-mijaran.org). Entà participar cau que cada participaire envie eth sòn relat, d’enquia un maxim de 200 paraules. Enguan, era tematica escuelhuda entath concors ei “Japon”, en tot èster un microrelat de creacion pròpria, en aranés, e que non age estat premiat en d’auti concorsi. I a 3 categories: Ua entàs menors de 12 ans, ua auta de 12 a 17 ans e era d’adults. Se pòt participar enquiar 11 de noveme.
Ath delà, tanben ei en marcha eth 8au Concors de fotografia “Eth mèn repopet”, qu’amie a tèrme era Bibliotèca, amassa damb er Ajuntament e er airau de Pediatria der Espitau Val d’Aran. Aguest concors preten mostrar era vida vidanta des repopets (de 0 a 2 ans): ath torn deth leitatge maternau, es jòcs, es minjars, eth dromir… Es interessadi auràn d’enviar es fotografies enquiar 11 de noveme a: biblioteca@vielha-mijaran.org.
Eth
liurament des prèmis se harà eth dia 22 de noveme en cas deth
concors de microrelats e eth 29 de noveme en concors de fotografia,
laguens des actes de celebracion deth 23au aniversari dera Bibliotèca
Generau de Vielha.
Bases concors de microrelats:
https://drive.google.com/file/d/1dJNOw2l4j-Gx8xaTb-72tiJiM5loD1AL/view
Bases concors de fotografia:
https://drive.google.com/file/d/1--zmM3Li5cmPnv-ys6jghNf47U2QbmXG/view
Lieger mès
16/10/2024
Er Ajuntament de Vielha e Mijaran met en marcha, a compdar deth 19 d’octobre, ua naua edicion deth Teatre Familhar que s’amiarà a tèrme un dissabte ath mes, d’octobre a mai
Lieger mès
14/10/2024
Vielha e Mijaran subvencione eth 50% deth còst deth materiau escolar des alumnes dera Escòla Garona entath cors escolar 2024/25
Lieger mès
11/10/2024
Eth plen der Ajuntament de Vielha e Mijaran apròve era adaptacion des ordenances fiscaus, taxes e prètzi publics entar an 2025
Lieger mès
