Notícies Veir istoric
Reforma des installacions d’enlumenat public exterior deth municipi de Vielha e Mijaran e substitucion per tecnologia led en tot includir telegestion
En an 2025 er Ajuntament de Vielha e Mijaran realize es trabalhs dera òbra de Reforma der enlumenat public deth municipi. Aguesta òbra ei subvencionada peth Programa de regeneración y Reto Demográfico deth Plan de Recuperación, Transformación y Resiliencia (Programa DUS 5000) deth Instituto para la Diversificación y Ahorro d’Energia (IDAE), finançat a trauès dera Union Europèa - Next GenerationEU.
Era obra consistís era substitucion des lums actuaus de VSAP per lums naues de tecnologia LED, atau coma era installacion de sistèmes de telegestion enes quadres electrics de comandament. Era fin dera reforma ei adaptar es nivèus lumínics e d’uniformitat actuau des viaus ara nòrma en vigor corresponenta ath RD 1890/2008 d’Eficiéncia energetica es installacions d’enlumenat exterior, e eth RD 842/2002 Reglament electrotècnic de baisha tension. En tot obtier, atau, ua melhora considerabla dera qualitat visuau des carrèrs per part des usatgèrs dera via publica, atau coma en seguretat des installacions.
Era tecnologia LED compòrte ua melhora qualitatiua n’era percepcion visuau der entorn urbanistic dera poblacion, ath delà d’ua considerabla reduccion dera contaminacion luminosa. Maugrat açò, eth hèt mès important ei eth gran estauviament energetic e, donques, economic que se ne beneficiarà eth municipi.
Donades principaus:
- Llums led a installar: 1.941 ut
- Equipes de telegestion a installar: 37 ut
- Inversion totau: 1.213.015,01 €
- Subvencion aprovada: 1.016.519,76 €
- Estauviament energetic previst: 927.891 kWh/a (75,2%)
- Reduccion des emissions CO 2 : 331,26 t CO 2 /a
Era redaccion deth projècte e era direccion dera òbra a estat realizada per SIRIUS SOLUCIONS D’ENGINYERIA SLP, e an estat, tanben, finançades a trauès deth Programa de regeneración y Reto Demográfico deth Plan de Recuperación, Transformación y Resiliencia (Programa DUS 5000) deth Instituto para la Diversificación y Ahorro de Energía (IDAE), a trauès dera Union Europèa- Next GenerationEU”.
Era execucion dera òbra a estat contractada ara enterpresa RUBATEC SA.
18/09/2025