Notícies Veir istoric
Ja ei dubèrt eth periòde de preinscripcions ena Escòla Mairau “Era Cunhèra” de Vielha e Mijaran entath cors escolar 2025/26
Enquiath 25 de mai, es pairs/mairs interessadi/es en apuntar as sòns/sues hilhs/es auràn de presentar era sollicitud en Ajuntament de Vielha e Mijaran
Era Escòla Mairau “Era Cunhèra” de Vielha e Mijaran daurís eth periòde de preinscripcions entara educacion preinfantila de cara ath cors escolar 2025/26.
Deth 5 ath 25 de mai, es pairs/mairs interessadi/es en apuntar as sòns/sues hilhs/es a d’aguest cors escolar, poderàn he’c, en tot presentar es sollicituds en registre der Ajuntament de Vielha e Mijaran presenciaument o a trauès dera sedença electronica. Es documents son: sollicitud, fotocòpia deth libre de familha, fotocòpia deth DNI des pairs/mairs, certificat de conviuença deth menor e fotocòpia deth contracte de trabalh des pairs/mairs.
Entath cors escolar 2025/26, era Escòla Mairau aufrís un totau de 8 places tà I-0 (de 6 mesi a 1 an), disponibles ena sua totalitat entà naues matricules. En I-1 (1-2 ans) aufrís 17 places. E, entà I-2 (2-3 ans), i auràn 10 places en totau.
Un viatge finalizat eth periòde de preinscripcions, eth 30 de mai se publicarà un listat provisionau damb era puntuacion provisionau. Alavetz i aurà tres dies entà possibles reclamacions, deth 2 ath 5 de junh.
Era publicacion dera lista de sollicituds damb era puntuacion definitiva des alumnes admetudi e era lista de demora serà efectiva eth 9 de junh..
Fin finau, deth 10 ath 18 de junh se daurirà eth periòde de matriculacion, a on s’aurà de portar: fotocòpia de vacunes deth menor, certificat medic, fotocòpia dera targeta sanitària deth mainatge o dera mainada, numerò de compde bancari e fotografies (ua de tamanh 10x10 e 8 de tamanh carnet) e autorizacion dera utilizacion dera imatge deth mainatge o dera mainada.
Lieger mès
05/05/2025
Er Ajuntament de Vielha e Mijaran s’ahig ath Dia Mondiau dera Activitat Fisica damb un complèt programa d’activitats enes installacions municipaus deth 31 de març ath 5 d’abriu
Lieger mès
28/03/2025
Eth plen der Ajuntament de Vielha e Mijaran apròve era 2au modificacion de credit deth pressupòst municipau de 2025 per valor de 5.335.215,12€
Lieger mès
26/03/2025
Er Ajuntament de Vielha e Mijaran milhorarà eth servici d’aigua potabla en Camin de Casau e era Carretèra de Gausac
Lieger mès
