Ja ei dubèrta era convocatòria de subvencions de Vielha e Mijaran de 2024
Enquiath pròplèu 31 de junhsèga se poderàn demanar ajudes enes airaus der espòrt, era musica, cultura, joenessa, servicis sociaus, torisme, hèstes, ensenhament e cooperacion entre d’auti
Er Ajuntament de Vielha e Mijaran a daurit era convocatòria de subvencions d’enguan. Enquiath pròplèu 31 de junhsèga, totes aqueres persones o entitats que volguen, poderàn demanar ajudes entàs activitats restacades damb es airaus der espòrt, era musica, cultura, joenessa, servicis sociaus, torisme, hèstes, ensenhament e cooperacion entre d’auti.
S’enten que totes es activitats que pòden èster subjèctes d’èster subvencionades, se desvolòpen abantes deth 30 de noveme de 2024 a excepcion des activitats que se realizen en relacion ath cors escolar.
Es subvencions se pòden demanar a trauès dera sedença electronica der Ajuntament de Vielha e Mijaran o directament ena sedença fisica deth consistòri en orari des 09:00 as 14:00. Es bases e tota era documentacion qu’ei de besonh entà poder sollicitar es subvencions, ac podetz trapar en aguest enlaç:
http://vielha-mijaran.org/ar/menu/er-ajuntament-/14/gestion-municipau-/23/ajudes-e-subvencions/31/
Un viatge finalizada era convocatòria, er Ajuntament notificarà as interessadi era resolucion de concesion o denegacion des subvencions en un periòde de tres mesi. Ath delà, se procedirà a publicar en BOP de Lhèida era lista de subvencions autrejades e tanben en tablèu d’anoncis der Ajuntament.
02/07/2024
