Glèisa de Sant Estèue de Montcorbau

973641815

info.museu@aran.org

DONADES

Tipe: Glèisa

Sègle: XV-XVIII

Estil arquitectonic:
Romanic - Gotic - Barròc

Poblacion: Montcorbau

DESCRIPCION

Era glèisa de Sant Estèue, maugrat es sòns origens romanics, a incorporat eth legat artistic que deishèren es periòdes gotic e barròc. Mès çò que mès estone es uelhs deth visitaire quan s’acale en interior dera glèisa ei eth gust popular qu’a era bastenda, que se met de manifèst, sustot, enes pintures muraus deth sègle XVIII que s’an conservat e que recentaments an estat objècte de restauracion.

Deth periòde romanic, ne demoren coma testimònis eth tram centrau dera nau e era batiader. En sègle XV, era glèisa de Sant Estèue experimentèc era prumèra grana transformacion, damb era incorporacion d’ua absida poligonau gotica que substituïc ara originau romanica. Era importància dera absida gotica ei evidenta laguens dera glèisa, a on se ve era estructuracion arquitectonica a compdar d’ues elegantes nervadures, que partissen deth solèr e se trapen en anèth dera copòla qu’encabís er espaci absidiau.
Posteriorament, pendent eth periòde barròc, s’incorporèren cinc capèles enes lateraus dera nau qu’an dat lòc ar aspècte actuau dera glèisa. Ei en aguestes capèles ei a on se raconten desparièrs episòdis biblics representadi pictoricament e a on se percep er esperit popular que nomentàuem ath començament.
En tot contunhar en sègle XVIII, s’ahig era tor campanau adosada ara absida, e se i incorpòre eth portic d’entrada ena glèisa; ena façada d’aguest portic i trobam encastrat un cippus roman e un crismon.

Inici

Agenda

Notícies

Guida

Mapa

Contacte

Menu

Newsletter

Email

Nòm

Cognòms

Soscriu-te

Glèisa de Sant Estèue de Montcorbau

973641815

info.museu@aran.org

DONADES

DESCRIPCION

Webs d’interès

Hilats sociaus