Notícies Veir istoric
Vielha modificarà eth sòn pressupòst
Eth Plen der Ajuntament de Vielha a aprovat damb es vòts en favor de Convergéncia Democratica Aranesa- Partit Nacionalista Aranés e Partit Popular, e era abstencion d’Unitat d?Aran-PSC, era modificacion de crèdit per un impòrt totau de 779.775 € que se finançarà damb eth remanent de tresoreria entàs despenes generaus.
Eth Plen der Ajuntament de Vielha a aprovat damb es vòts en favor de Convergéncia Democratica Aranesa- Partit Nacionalista Aranés e Partit Popular, e era abstencion d’Unitat d’Aran-PSC, era modificacion de crèdit per un impòrt totau de 779.775 € que se finançarà damb eth remanent de tresoreria entàs despenes generaus.
Aguest nau pressupòst compde damb suplements de crèdit (damb increment economic) e crèdits extraordinaris (naues prepauses de consignación pas previstes). Entre es prumèrs destaque eth manteniment de viaus publics e servicis basics que se tassen en mès de 200.000 èuros qu’includís entre d’autes accions era adeqüacion deth parcatge public dera localitat de Vielha.
Cau destacar es inversions que se realizèren coma son era connexion entre era avenguda principau e dus carrèrs adjacents en tot convertir aguesta zòna en un espaci verd e de passejada en centre dera localitat. Atau madeish, s’apleten diuèrses accions d’eficiéncia energetica e ua serie de subvencions enes pòbles de Betren e Vilac entà acometer inversions de caractèr estrategic.
Era notícia mas positiva s’a dat quan toti es grops politics damb representacion s’an felicitat per deishar eth deute deth consistòri a 0€ en sonque 3 exercicis. En tot deishar endarrèr a destacat eth baile, Àlex Moga “Es etapes neres e escures der Ajuntament an passat”.
Ath delà, eth consistòri a iniciat un projècte de remodelament estructurau des sues bastisses. Era prumèra fasa serà eth sòn burèu tecnic damb ua reforma iniciau de 50.000 èuros.
04/05/2015