Notícies Veir istoric
Vielha e Mijaran cedís es installacions esportiues municipaus ar INS d’Aran pendent eth cors escolar
Un an mès, des der Ajuntament se facilite ar alumnat deth centre er emplec deth Palai d’Espòrts e eth Centre Polivalent de Vielha e Mijaran
Un an mès, er alumnat der INS d’Aran torne a emplegar es installacions esportiues municipaus (Palai d’Espòrts e Centre Polivalent) entath nau cors escolar 2022-23 dempús de qu’er Ajuntament de Vielha e Mijaran age cedit eth sòn emplec.
Er equip de govèrn municipau e era direccion der INS d’Aran, atau coma des cicles formatius, mantien un acòrd que ja hè uns ans qu’ei vigent. Pendent era pandémia dera COVID-19 ja aueren de trabalhar entà poder facilitar un emplec avient en tot seguir es normatiues vigentes alavetz, mès qu’ara ja non son de besonh, en tot recuperar eth sòn emplec damb totau normalitat.
“Des der Ajuntament de Vielha e Mijaran volem qu’es nòsti/nòstes joeni/es poguen contunhar en tot hèr espòrt pendent era sua formacion academica”, comente eth còsso d’espòrts e dusau tinent d’alcalde de Vielha e Mijaran, Alberto López.
20/09/2022