Notícies Veir istoric
Eth Cònsol deth Marròc en Lheida visite Vielha
Abdelfattah Lebbar, cònsol deth Marròc en Lhèida s’a desplaçat enquia Aran entà visitar, in situ, Aran, coma modèl d’exit a desvolopar en Marròc, a on a destacat que Vielha ei un clar exemple e ua referéncia a seguir en aspècte toristic.
Abdelfattah Lebbar, cònsol deth Marròc en Lhèida s’a desplaçat enquia Aran entà visitar, in situ, Aran, coma modèl d’exit a desvolopar en Marròc, a on a destacat que Vielha ei un clar exemple e ua referéncia a seguir en aspècte toristic.
Lebbar a mostrat un gran interès peth torisme e tot çò que compòrte, atau coma era comprobacion des accions que se desvolòpen en Aran a nivèu municipau-regionau.
En un acte en Ajuntament de Vielha, eth baile d’aguesta localitat, Àlex Moga, a arrecebut ath cónsul a on an pogut escambiar opinions e idèes respècti aguesti ahèrs. Seguidaments, a procedit ara signatura deth libre d’aunor deth consòrci, e se li a hèt liurament d’ua placa commemorativa de Vielha.
Eth baile e eth cónsul s’an comprometut a un plan de trabalh a cuert, miei e long termini.
Pròplèuments s’establiràn amassades bilateraus entre es dus territòris e damb representants de naut nivèu.
En paraules deth baile de Vielha e Mijaran, Àlex Moga, “Un des nòsti objectius ei internacionalizar Vielha e ac desiram hèr a trauès deth teishit empresariau e en tot recuperar e en tot captar talent. Aguesta ei ua naua linha estrategica que mos permet daurir naui espacis economics e de relacions internacionaus”.
30/03/2015