Notícies Veir istoric
Comencen es òbres de milhora des hilats d’aigua correnta e aigües lordes ena Carretèra de Gausac e eth Carrèr de Gausac
Er Ajuntament de Vielha e Mijaran modernizarà aguesti servicis que hège mès de 50 ans que non s’auien milhorat en aguest parçan
Er Ajuntament de Vielha e Mijaran a iniciat pendent aguesta setmana es trabalhs de milhora ena accessibilitat e adeqüacion des hilats de servici d’aigua correnta e aigües lordes ena Carretèra de Gausac e eth Carrèr de Gausac.
Aguesta actuacion supause era milhora dera eficiéncia e era minimizacion des pèrtes deth hilat d’aigua correnta, atau coma era eliminacion der antic hilat de canerades de fibrociment e era installacion deth hilat separatiu d’aigües lordes.
Ath delà, aguesta intervencion adapte era qualitat d’aguesti servicis as besonhs creishenti de demana de milhora e reforma dera pavimentacion entà mantier ua corrècta imatge en aguest parçan, a on i auie henerècles e desperfèctes a conseqüéncia des nheuades e es cambis de temperatura.
Pendent era execucion des òbres, s’abilitaràn passi alternatius de transit a trauès deth carrèr Irissa entà evitar embuts e qu’es trabalhs se poguen desvolopar damb normalitat.
“Contunham en tot trebalhar en compromís qu’artenhèrem damb era poblacion ena melhora deth subministrament e servici d’aigües municipaus” comente eth baile de Vielha e Mijaran, Juan Antonio Serrano, e ahig que “eth hilat d’aigües presentaue fòrça deficiéncies e damb aguestes importantes inversions renauim ua infraestructura qu’ère obsoleta, en tot garantir era sua qualitat e bon foncionament”.
19/05/2022