Notícies Veir istoric
Dubèrta era convocatòria d’ua plaça de socorrista temporau a jornada complèta entath Palai de Gèu
Es interessadi/es an de presentar es sollicituds en Servei d’Ocupació de Catalunya (SOC) enquiath 29 d’abriu
Er Ajuntament de Vielha e Mijaran a aprovat es bases entara contractacion d’ua plaça de socorrista temporau a jornada complèta entath Palai de Gèu. Aguesta aufèrta a estat presentada en Servei d’Ocupació de Catalunya (SOC) entà contractar temporaument aguest personau.
S’a iniciat eth termini entà qu’es interessadi/es poguen hèr arribar era sua sollicitud, qu’auràn de formalizar enquiath 29 d’abriu. D’aguesta manèra s’inicie eth periòde deth procès de seleccion, en qu’es candidats auràn de complir es següentes requisits:
- Dispausar deth Certificat oficiau de socorrista aquatic.
- Aportar eth Certificat actualizat conforme non cònste en Registre de "Delictes de natura sexuau".
- Liurar fotocòpia deth DNI o fotocòpia deth passapòrt.
- Curriculum Vitae e documentacion acreditativa des merits que s’alleguen
20/04/2022