Notícies Veir istoric
Era EMD de Vilac a realizat trabalhs de melhora en cementèri
Damb aguesta intervencion avalorada en 7557 € e que compde damb ua subvencion dera Diputació de Lleida, s’an condicionat es cavòts, s’an trèt es crotzes vielhes, s’a apariat eth mur dera part nauta deth cementèri e s’a canalizat era aig
Pendent aguestes darrères setmanes, era Entitat Municipau Descentralizada de Vilac a amiat a tèrme trabalhs de melhora e condicionament deth cementèri deth pòble.
Aguesta intervencion avalorada en 7557€ a estat subvencionada ath 100% pera Diputació de Lleida, laguens deth Plan economic entàs ens locaus en airau dera salut previst entà enguan.
Es prètzhèts que s’an realizat an estat es següents: s’an pintat es cavòts, pr’amor que damb eth pas deth temps s’auien descolorit. Tanben s’a hèt ua neteja des crotzes deth cementèri, en tot trèir-ne es vielhes qu’encara demorauen enes cavòts e en diuèrsi emplaçaments deth pròpri cementèri. Ath delà, s’a apariat eth mur de pèira dera part nauta deth cementèri, en tot trèir es pèires qu’èren maumerentes e plaçar-ne de naues. E fin finau, tanben s’a realizat era canalizacion dera aigua que circule pera part de darrèr deth cementèri.