Notícies Veir istoric
Er Ajuntament de Vielha e Mijaran signe un acòrd de collaboracion damb era Associacion Shivau Val d’Aran
Damb aguest convèni, eth consistòri aportarà ua ajuda economica entà fomentar era activitat dera entitat ena cria e mantenença dera ramaderia de shivaus en territòri
Er Ajuntament de Vielha e Mijaran e era Associacion Shivau Val d’Aran an signat un convèni de collaboracion, peth quau eth consistòri aportarà ua ajuda de 2600 € entà ajudar ara entitat a sufragar es despenes ocasionades en relacion ara gestion e desvolopament des accions qu’amien a tèrme.
Aguest convèni aurà vigéncia d’un an e ambues parts poderàn acordar pendent era vigéncia deth convèni era sua prorròga entà futurs ans, maxim pendent 4 ans, o ben era rescission deth madeish. Er acòrd a estat signat peth baile de Vielha e Mijaran, Juan Antonio Serrano, e eth president dera Associacion Shivau Val d’Aran, Marc Cuny.
“Des der Ajuntament de Vielha e Mijaran volem balhar supòrt ara ramaderia, pr’amor qu’ei un mestièr tradicionau en nòste municipi e ena Val d’Aran e, d’aguesta manèra, les ajudaram a que poguen desvolopar es sòns prètzhèts damb normalitat ena conservacion dera activitat ramadèra en territòri”, comente eth baile de Vielha e Mijaran, Juan Antonio Serrano.
16/11/2021