Notícies Veir istoric
Eth pròplèu 24 de noveme se realizaràn es eleccions entà escuélher es representants deth conselh escolar dera escòla mairau “Era Cunhèra” de Vielha
Aguestes eleccions permeteràn ua participacion mès actiua des familhes, entà amiar a tèrme ua melhora labor educatiua, de manèra conjunta damb eth centre, en tot aportar idèes e contribuïr ath bon foncionament dera escòla
Eth pròplèu 24 de noveme se realizaràn es eleccions entà escuélher es representants deth conselh escolar dera escòla mairau “Era Cunhèra” de Vielha.
Eth conselh escolar ei er òrgan de participacion dera comunitat escolar damb representacion des familhes, professorat e responsables deth centre. Era foncion principau ei participar activament en ahèrs sus eth foncionament e organizacion deth centre, en tot aportar idèes e contribuïr ara melhora deth plan educatiu dera escòla.
Es pairs/mairs interessadi/es pòden presentar es sues candidatures abantes deth 10 de noveme entàs 12:00 en pròpri centre escolar. En taulèu d’anoncis deth centre demore expausat eth recensament especific d’aguestes eleccions entà poder consulta’c.
Eth termini entà presentar reclamacions ath recensament electorau des pairs e mairs o tutors legaus ei enquiath 5 de noveme. Entà mès informacion podetz trucar ath telefòn dera escòla 973641082.
03/11/2021