Notícies Veir istoric
Ja ei en marcha eth 5au Concors de fotografia “Eth mèn repopet” en motiu deth 20au aniversari dera Bibliotèca Generau de Vielha
Se vos agrade era fotografia, ja podetz participar en 5au concors de fotografia “Eth mèn repopet”, ath torn deth leitatge maternau, es jòcs, es minjars, dromir... des vòsti repopets, qu’organizen er Ajuntament de Vielha e Mijaran, er airau de Pediatria der Espitau Val d’Aran e era Bibliotèca Generau de Vielha en motiu deth sòn vintau aniversari.
Entà participar-i, cau que hèsques ua fòto sus eth tèma deth concors e l’envies tà biblioteca@vielha-mijaran.org. Eth dia 17 de noveme ei eth darrèr entà enviar es vòstes fòtos. I aurà un Prumèr, Dusau e Tresau prèmi de presents suspresa e lòts de libres.
Bases:
1.
Condicions entà poder-i participar:
Eth concors ei dubèrt a totes es persones majors de 18 ans. Peth hèt
de participar-i, es autors/es se comprometen a cedir es drets
d’imatge des fòtos ar Ajuntament de Vielha e Mijaran entara sua
difusion tara exposicion que se poirà veir ena bibliotèca. Es
participaires tanben accèpten qu’es sues òbres siguen exposades
ena Bibliotèca Generau de Vielha e
que se’n pogue hèr emplecs disparièrs. Era
participacion en aguest concors implique era acceptacion d’aguestes
bases.
2. Tèma: Eth tèma deth concors qu’ei eth mon deth repopet. Cau qu’era fòto que presentetz sigue originau e inedita, sense filtres e non-tractada e non age estat premiada en cap d’aute concors, ne publicada en cap hilat sociau, e cau qu’indiquetz era edat actuau deth repopet. Era edat actuau deth repopet a d’èster entre 0 e 2 ans: non s’acceptaràn fòtos de repopets qu’agen mès de 2 ans.
3. Caracteristiques: Podetz presentar sonque 1 fòto per participant/a e 1 per repopet. Es fòtos pòden èster en blanc e nere o en color. Es fòtos an d’auer ua resolucion minimau de 2 MB e maximau de 3 MB, e les cau enviar entath compde de corrèu dera Bibliotèca Generau de Vielha: biblioteca@vielha-mijaran.org, damb un títol, eth nòm e cognòms dera mair, deth pair e deth/dera mainatge/mainada e un telefòn de contacte.
4. Categories: I aurà tres prèmis tàs milhors fotografies e, s’era jurada ac considère oportun, quauque accessit.
5. Era jurada: Era jurada serà composada peth personau der Ajuntament de Vielha e Mijaran, era Bibliotèca Generau, er airau de Pediatria der Espitau Val d’Aran, e un fotògraf professionau. Era sua decision serà inapellabla e pòt declarar eth concors desèrt. Eth liurament des prèmis se harà eth dia 25 de noveme, laguens des actes de celebracion deth 20au aniversari dera Bibliotèca Generau de Vielha.
18/10/2021