Notícies Veir istoric
Ja podetz participar en 6au concors de microrelats laguens deth 20au aniversari dera Bibliotèca Generau de Vielha
S’auetz compde en Twitter ja podetz participar en 6au concors de microrelats qu’organizen er Ajuntament de Vielha e Mijaran e era Bibliotèca Generau de Vielha en motiu deth sòn vintau aniversari
Entà participar-i, cau que seguisques eth compde oficiau dera bibliotèca en Twitter, ‘piules’ (en mens de 280 caractèrs) eth tòn microrelat e l’envies tà @bibliovielha.
Eth tèma deth relat d’enguan qu’ei Er Univers ena sua Magnitud: cau que sigue de creacion pròpia e que non age estat premiat en d’auti concorsi. Eth dia 17 de noveme ei eth darrèr entà enviar eth vòste microrelat. Es guanhadors auràn coma prèmi un lòt de libres e d’autes suspreses.
Bases:
1.
Condicions entà poder-i participar:
Eth concors ei dubèrt a toti es qu’agen un compde en Twitter
(www.twitter.com) e que siguen seguidors/es deth compde de Twitter
dera Bibliotèca Generau de Vielha (@bibliovielha).
2. Coma i podetz participar: Eth tèma d’enguan qu’ei Er Univers ena sua Magnitud, e es piulades, qu’an d’auer un minimum de 6 paraules e un maximum de 280 caractèrs, an d’èster de creacion pròpia, e an d’èster escrites en aranés. Cau qu’envietz es piulades tà @bibliovielha. Es tuits sense etiquetar o que non s’adrecen dirèctament tath compde dera bibliotèca non seràn pas admetudi.
3. Categories: I aurà tres categories, establides per edat: ua entàs menors de 12 ans, ua auta de 12 a 18 ans, e era d’adults, de 18 ans ensús.
4. Era jurada: Era jurada serà composada peth personau dera Bibliotèca Generau, era sua decision serà inapellabla e pòt declarar eth concors desèrt. Eth liurament des prèmis se harà eth dia 25 de noveme, laguens des actes de celebracion deth 20au aniversari dera Bibliotèca Generau de Vielha.
13/10/2021