Notícies Veir istoric
Deth 7 ath 9 de seteme Vielha celèbre era Hèsta Major
A conseqüéncia dera pandémia dera COVID-19, enguan eth programa s’adapte ara normatiua damb activitats infantiles, esportiues e espectacles de música e dança, e serà de besonh seguir es mesures sanitàries vigentes enes activitats organizades
Vielha se premanís entà celebrar ua naua edicion dera sua Hèsta Major, qu’enguan aurà lòc pendent es dies 7 e 9 de seteme.
A conseqüéncia dera pandémia dera COVID-19, des dera Comission de Hèstes, amassa damb er Ajuntament de Vielha e Mijaran, s’a amiat a tèrme un programa d’activitats adaptat ara pandémia, e pendent es quaus calerà seguir es mesures sanitàries qu’aué día son establides pes autoritats sanitàries, entà assegurar eth sòn corrècte desvolopament.
Programa:
Dimars 7 de seteme:
10:00 or. Torneg de Paddel
10:00 or. Campionat de Voleibòl en Palai d’Espòrts de Vielha.
11:30 or. Talhèr infantil TIE-DYE e Art Attack ena Plaça d’Aran.
17:00 or. Concors de Botifarra en Casau deth Jubilat.
19:00 or. Nomenament des Fradins e Fradines Majors e Frandins e Fradines Infantils dera Hèsta 2021, en Era Audiovisuau de Vielha (Aforament limitat e resèrva per auança en Ajuntament)
22:30 or. Session de cinèma ar aire liure en parcatge des antigues casèrnes militares, damb era projeccion dera pellicula “EN GUERRA CON MI ABUELO”.
Dimèrcles 8 de seteme:
11:00 or. Missa Solemna en aunor ara Mare de Diu de Mijaran. Ara seguida Dances Tradicionaus Araneses damb es grops de dances: Es Fradins de Vielha e Era Còlha de Santa Maria de Mijaran.
13:00 or. Vermut musicau pes carrèrs de Vielha.
17:30 or. Espectacle Infantil damb era companhia “BEATBOX”, ena Plaça dera Glèisa de Vielha.
19:00 or. Gran Espectacle Folcloric Mexican damb eth grop “PASIÓN AZTECA”, ena Sala de Hèstes.
22:30 or. Espectacle de Magia e Illusionisme “UNA NOCHE CON EL MAG LARI”, ena Sala de Hèstes.
Dijaus 9 de seteme:
10:00 or. Actiuetat infantila “ERA RECÈRCA DETH TRESAUR” damb ARAN-THAL, ena Plaça dera Glèisa de Vielha.
11:00 or. Torneg de Tènnis Taula infantil e adults en Palai d’Espòrts de Vielha,
11:00 or. Campionat de Pilòta (Frontón) individuau adults .
12:00 or. Actiuetat Infantila “JOC MOLL SEC”, ena Plaça d’Aran.
16:00 or. Campionat de bàsquet 3X3 en Palai d’Espòrts de Vielha.
17:30 or. Espectacle Infantil de compda condes damb era companhia “LA ESTACIÓN DE LOS CUENTOS”, ena Sala de Hèstes.
19:00 or. Havanères en Passeg dera Libertat a cargue deth grop “ULTRAMAR”
22:00 or. Gran Castèth de Huecs Artificiaus en parcatge des antigues casèrnes militares.
22:30 or. Espectacle musicau damb “EL GRAN CABARET, ZASCA”, ena Sala de Hèstes.
Es actiuetats se celebraràn damb aforament limitat e serà obligatòri er usatge de masquèta, ath delà de balhar compliment as mesures sanitàries vigentes. Era dubertura dera Sala de Hèstes serà 45 menutes abantes der inici de cada acte, entà controtlar er accès e enquia completar er aforament. En tot cas, era Comission de Hèstes se resèrve eth dret de modificat eth programa, mès sonque s’ei estrictament de besonh o ben s’es condicions sanitàries o meteorologiques ac exigissen. En cas de mau temps, es actiuetats se trasladaràn entara Sala de Hèstes.
“Era Comission de Hèstes amassa damb er Ajuntament de Vielha e Mijaran auem premanit eth melhor programa possible d’Era Hèsta d’enguan entà tot tipe de publics, en tot tier en compde es condicions especiaus que viuem damb era pandémia dera COVID-19”, comente eth còsso de hèstes de Vielha e Mijaran, Alberto López. E ahig que “sajam d’aufrir eth programa mès complèt possible, e en tot moment garantiram que se poguen mantier es condicions sanitàries vigentes, en tot velhar pera salut dera gent. Era bona situacion que viuem a arraïtz des campanhes de vacunacion, permet que pogam començar a establir ua cèrta normalitat”.
31/08/2021