Notícies Veir istoric
Aguest ostiu, er Ajuntament de Vielha e Mijaran organize concèrts en carrèr, pendent toti es dimenges de junhsèga e agost
En totau s’an previst 18 concèrts damb musics dera Val d’Aran qu’amenizen es meddies des dimenges damb musica en dirècte en Vielha, en tot dinamizar era activitat en carrèr
Er Ajuntament de Vielha e Mijaran a premanit un ample calendari de concèrts qu’an lòc pendent toti es dimenges des mesi de junhsèga e agost en Vielha.
Ua activitat que preten amenizar es meddies des dimenges damb musica en dirècte en carrèr, en ua epòca de nauta preséncia de visitaires. En totau, aguest ostiu i aurà 18 concèrts repartidi per desparièrs endrets deth cap-lòc dera Val d’Aran.
Aguesta accion supause ua grana escasença entà favorir era dinamizacion deth sector dera ostalaria e deth comèrç, ath viatge que se promò era cultura, en tot prebotjar qu’es musics aranesi agen era escasença d’apropar era sua musica ara gent en carrèr.