Notícies Veir istoric
Er Ajuntament de Vielha e Mijaran renauís eth convèni de collaboracion damb Càritas d’Urgell, entà ajudar as familhes vulnerables deth municipi
Entre 2020 e 2021 eth consistòri aurà autrejat 25.000 € entà ajudar a d’aguestes familhes entath loguèr, subministraments deth larèr e aliments fresqui
Er Ajuntament de Vielha e Mijaran a renauit eth convèni de collaboracion damb era entitat Càritas d’Urgell, entà ajudar as familhes vulnerables e en risc d’exclusion sociau deth municipi qu’an estat afectades pera aparicion dera COVID-19.
Aguesta iniciativa s’inicièc est an passat, damb ua ajuda de 10.000 €, e enguan s’a ampliat damb ua partida de 15.000 €, en tot plaçar-se en dus ans en un totau de 25.000 €.
En
2020, gràcies a d’aguest convèni, se podec ajudar a 26 familhes,
damb un totau de 78 beneficiaris, en un totau de 50 ajudes dirèctes.
Aguesta ajuda va dirigida ath loguèr, subministraments deth larèr e
aqueriment d’aliments fresqui.
Fòrça
familhes deth municipi an vist redusidi o anulladi es sòns ingrèssi
enes darrèri dus ans, en tot arribar a crear-se situacions d’extrèma
vulnerabilitat, d’ací eth besonh d’encetar e mantier aguesta linha
d’ajuda.
“Damb eth renauiment d’aguest convèni damb Càritas d’Urgell, er Ajuntament de Vielha e Mijaran assolide eth sòn compromís d’ajudar as familhes vulnerables e en risc d’exclusion sociau deth municipi”, comente eth baile de Vielha e Mijaran, Juan Antonio Serrano.
01/08/2021