Notícies Veir istoric
Era EMD de Betren a iniciat es òbres de melhora dera accesibilitat e des hilats d’aigua e clavegueram enes carrèrs Sant Sernilh e Sant Joan
Aguesta intervencion includida laguens deth PUOSC 2020-2024, compde damb un pressupòst de 160.051,41 €, e tanben s’adaptarà er acabat ath plan de melhora de carrèrs e infraestructures enes nuclèus de poblacion de Vielha e Mijaran
Era Entitat Municipau Descentralizada de Betren a iniciat pendent aguest mes de junh es òbres de melhora dera accesibilitat e adaptacion des hilats de servici d’aigua e clavegueram des carrèrs Sant Sernilh e Sant Joan.
Aguesta intervencion compde damb un pressupòst de 160.051,41 €, e ei includida laguens deth PUOSC 2020-2024. Un viatge finalizades aguestes òbres tanben se melhorarà er acabat deth paviment, en tot adaptar-lo ath plan de melhora de carrèrs e infraestructures enes nuclèus de poblacion de Vielha e Mijaran.
Toti aguesti servicis que seràn reformadi sigueren hèti hè mès de 50 ans, de manèra que ja demoren obsoleti e ère de besonh realizar aguesti trabalhs de modernizacion.
“Era intervencion se realize en dues fases: prumèr se reforme eth carrèr Sant Sernilh, en quau ja se trabalhe, e era dusau fasa serà era melhora deth carrèr Sant Joan”, comente eth baile de Betren, Marc Cuny. E ahig que “tota aguesta actuacion mos permet melhorar es servicis basics qu’aufrim as nòsti/nòstes vesins/ies deth pòble, en tot modernizar-les, e ei previst que sigue prèsta a mejans deth mes de junhsèga”.
25/06/2021