Notícies Veir istoric
Es alcaldes des pedanies s’amassen damb er Ajuntament de Vielha e Mijaran entà tractar era celebracion des romiatges e santets d’enguan a conseqüéncia dera pandémia dera COVID-19
Per unanimitat s’a decidit que s’oficiaràn es misses e actes religiosi abituaus, mès se mantien suspenudi era rèsta d’actes multitudinaris (vermuts, aperitius, dinars populars, eca)
Er Ajuntament de Vielha e Mijaran s’a amassat damb es presidents de Entitats Municipaus Descentralizades entà tractar era celebracion des romiatges e santets d’enguan.
En tot seguir es normes e mesures de seguretat e igienes vigentes pes autoritats sanitàries, aguestes hestivitats de toti es pòbles deth municipi se seguiràn hènt damb eth madeish procediment qu’enquiara. S’oficiaràn es tradicionaus misses de cada romiatge e santet, mès se mantien suspenudi es dinars populars aufrits pes pedanies, enquia qu’era situacion en relacion ara pandémia melhore e se poguen celebrar damb totau normalitat.
Damb aguesta decision se preten mantier es celebracions d’aguestes hèstes, mès en tot èster conscienti de qu’encara era COVID-19 ei en carrèr, e a despièch de qu’era situacion melhore gràcies as campanhes de vacunacion, cau préner es precaucions de besonh entà evitar possibles contagis.
A nivèu public aguesti dinars seràn suspenudi, mès en airau privat, es vesins/es poiràn realizar es dinars que creiguen convenenti, en tot seguir es normes de seguretat e limitacion en foncions des grups bombolha.