Notícies Veir istoric
Vielha e Mijaran a estat seleccionada entà realizar era Enquèsta de Poblacion Activa (EPA) der Instituto Nacional de Estadística (INE)
Era Enquèsta de Poblacion Activa (EPA) ei ua investigacion der Instituto Nacional de Estadística (INE) que se desvolòpe des der an 1964. Aguesta enquèsta a coma principau objectiu era obtencion de donades dera poblacion en relacion damb eth mercat de trabalh: aucupadi, actius, arturadi e inactius. Mercés ad aguesta enquèsta, s’obtien resultats detalhadi entath conjunt deth territòri nacionau, atau coma entàs comunitats autonòmes e es províncies.
Vielha
e Mijaran a estat escuelhuda per INE entà realizar era enquèsta, de
manèra qu’en brèu quauqui entrevistadors se trobaràn en Vielha e
Mijaran damb er objectiu de realizar diuèrses enquèstes a quauqui
larèrs seleccionadi aleatoriament. Es entrevistadors auràn de
mostrar era sua acreditacion oficiau e posteriorament procediràn ara
realizacion de diuèrses qüestions.
Totes
es donades que se subministren ar INE son estrictament confidenciaus
e son protegidi peth secrèt estadistic segontes establís era Lei
dera Foncion Estadistica Publica.
Des
der Ajuntament de Vielha e Mijaran arregraïm era participacion de
toti es vesins damb era fin de collaborar en aguesta enquèsta plan
de besonh entà conéisher era realitat deth nòste territòri.
24/02/2021