Notícies Veir istoric
4au Concors de fotografia “Eth mèn repopet” en motiu deth 19au aniversari dera Bibliotèca Generau de Vielha
Se vos agrade era fotografia, ja podetz participar en 4au concors de fotografia “Eth mèn repopet”, ath torn deth leitatge maternau, es jòcs, es minjars, dromir... des vòsti repopets, qu’organizen er Ajuntament de Vielha e Mijaran, er airau de Pediatria der Espitau Val d’Aran e era Bibliotèca Generau de Vielha en motiu deth sòn dètz-e-nauau aniversari.
Entà participar-i, cau que hèsques ua fòto sus eth tèma deth concors e mo l’envies tà
biblioteca@vielha-mijaran.org.
Eth dia 20 de noveme ei eth darrèr dia entà enviar es vòstes fòtos.
Es guanhadors auràn coma prèmi un lòt de libres e dues entrades tara pista de gèu deth Palai.
Bases:
1. Condicions entà poder-i participar:
Eth concors ei dubèrt a totes es persones majors de 16 ans.
Peth hèt de participar-i, es autors/es se comprometen a cedir es drets d’imatge des fòtos ar Ajuntament de Vielha e Mijaran entara sua difusion tara exposicion que se poirà veir ena bibliotèca. Es participants tanben accèpten qu’es sues òbres siguen exposades ena Bibliotèca Generau de Vielha. Era participacion en aguest concors implique era acceptacion d’aguestes bases.
2. Coma i podetz participar:
Podetz presentar sonque 1 fòto per participant/a e 1 per repopet.
3. Tèma:
Eth tèma deth concors qu’ei eth mon deth repopet. Cau qu’era fòto que presentetz sigue originau e inedita, sense filtres e non-tractada e non age estat premiada en cap d’aute concors, e cau qu’indiquetz era edat actuau deth repopet. Era edat actuau deth repopet a d’èster entre 0 e 2 ans: non s’acceptaràn fòtos de repopets qu’agen mès de 2 ans.
4. Caracteristiques:
Es fòtos pòden èster en blanc e nere o en color.
Es fòtos an d’auer ua resolucion minimau de 2 MB e maximau de 3 MB, e les cau enviar entath compde de corrèu dera Bibliotèca Generau de Vielha: biblioteca@vielhamijaran.org, damb un títol, eth nòm e cognòms dera mair, deth pair e deth/dera mainatge/mainada e un telefòn de contacte.
5. Categories:
I aurà un prèmi tara milhor fotografia e, s’era jurada ac considère oportun, quauque
accessit.
6. Era jurada:
Era jurada serà composada peth personau der Ajuntament de Vielha e Mijaran, era
Bibliotèca Generau e er airau de Pediatria der Espitau Val d’Aran, era sua decision serà inapellabla e pòt declarar eth concors desèrt. Eth liurament des prèmis se harà eth dia 27 de noveme, ath laguens des actes de celebracion deth 19au aniversari dera Bibliotèca Generau de Vielha.
15/10/2020