Notícies Veir istoric
Er Ajuntament de Vielha e Mijaran daurís era convocatòria entà concedir abonaments annaus ath Palai de Gèu as esportistes de naut rendiment
Aguesti abonaments s’autrègen damb er objectiu de facilitar es entrenament as esportistes de naut nivèu residents en municipi
Un
an mès, er Ajuntament de Vielha e Mijaran torne a daurir era convocatòria entà
concedir abonaments annaus gratuïts entà accedir as installacions deth Palai de
Gèu a esportistes de naut rendiment.
Er
objectiu d’aguesta concesion ei que se hèsque ua promocion e dinamizacion dera
activitat esportiva damb esportistes que son de naut nivèu e rendiment. En
aguest sens, es sollicitants auràn d’acreditar auer era licéncia oficiau der
espòrt que practiquen, èster inscrits en ua entitat esportiva deth territòri e
èster empadronadi en Vielha e Mijaran.
Poderàn
optar ar abonament es esportistes de naut nivèu e rendiment, persones físiques
no professionaus e en actiu, inscrites en entitats esportives dera Val d’Aran,
que siguen en posession dera licéncia. Se consideren esportistes de naut
rendiment es esportistes “futur”, que pòden arténher un nivèu naut a cuert
tèrme, e es esportistes “naut nivèu”, aqueri que participen o agen opcions de
participar en competicions de maxim nivèu organizades pes federacions
esportives internacionaus e qu’apròve era Presidència del Consell Català de
l’Esport.
Es
sollicituds se pòden presentar enquiath pròplèu 1 de noveme en Registre der
Ajuntament de Vielha e Mijaran. Era Junta de Govèrn Locau serà era responsabla
dera resolucion deth procediment.
Es
abonaments seràn personaus e intransferibles. Era resolucion serà notificada de
manèra individuau en un tèrme de dètz dies a compdar dera data d’aprobacion
dera madeisha.
Es
adjudicataris auràn de complir es normes d’accès e emplec dera installacion,
abantes, pendent e dempús dera practica esportiva, qu’enguan demore regulada
peth protocòu establit per Ajuntament de Vielha e Mijaran a conseqüéncia dera
COVID-19.
“Damb aguestes subvencions, er Ajuntament de Vielha e Mijaran vò
collaborar damb es nòsti esportistes entà que poguen entrenar en municipi e
poguen arténher es sòns objectius, en tot èster ambaishadors deth municipi, ath
viatge que consolidam un modèl de municipi coma referent esportiu a nivèu
estatau”, comente eth segon tinent d’alcalde e còsso d’espòrts de Vielha
e Mijaran, Alberto López.