Notícies Veir istoric
Se daurís era convocatòria entà demanar es ajudes entath pagament deth materiau escolar e libres de tèxte
Aguestes ajudes extraordinàries, qu’aufrís er Ajuntament de Vielha e Mijaran, son avalorades en 42.000€, e an coma objectiu ajudar as familhes a paliar es efèctes dera crisi economica derivada dera pandémia dera COVID-19
A compdar d’aué, se daurissen es tèrmes entà sollicitar es ajudes entàs alumnes dera educacion infantila e primària dera Escòla Garona e dera educacion segondària, formacion professionau e bachilierat der INS d’Aran entath cors escolar 2020/21, que tot just a començat.
Aguestes ajudes extraordinàries, aprovades pera Junta de Govèrn, son avalorades en 22.000€ entath pagament deth materiau escolar dera Escòla Garona e de 20.000€ entàs libres der INS d’Aran, e s’autrejaràn damb er objectiu de paliar ua part des efèctes dera crisi economica derivada dera aparicion dera COVID-19. D’aguesta manèra, es pairs/mairs auràn un supòrt important de hons public, en tot recéber eth 50% deth sòn cost.
Entà
optar a d’aguestes ajudes, s’auràn de complir coma mínim es
següents requisits: Qu’er alumne, e coma minim un des pairs/mairs,
siguen empadronadi en Vielha e Mijaran a dia 1 de gèr de 2020, qu’er
alumne sigue matriculat en quauqu’ua des etapes academiques,
presentar era sollicitud laguens deth tèrme establit, qu’era familha
non age cap deute tributari o d’aute tipe damb er Ajuntament de
Vielha e Mijaran, e qu’es pairs/mairs siguen ath corrent deth
pagament des obligacions tributàries e dera Seguretat Sociau.
En cas dera ajuda entàs libres der INS d’Aran, es sollicitants non poderàn superar era renda d’unitat familhara. Es familhes de dus membres non poderàn superar es 21.102€, es familhes de tres membres auràn un limit de 27.711€, es familhes de quate membres 32.870€ e es familhes de cinc membres 37.301€. A compdar des sies membres se higerà 3.282€ per cada nau membre computable. Eth volum maxim d’ingrèssi non poderà excedir de 155.000€ entre toti es membres dera unitat familhara e eth rendiment de patrimòni se limitarà a 1700€.
Toti
aqueri interessadi an 30 dies entà presentar era sollicitud de
demana dera ajuda en registre der Ajuntament presenciaument en
tot demanar
ora en telèfon 973640018 o pera sedença electronica
https://vielha-mijaran.eadministracio.cat.
Era publicacion dera ajuda se trape en Bulletin
Oficiau dera Província de Lhèida, atau coma en taulèr d’anoncis e
ena plana web der Ajuntament de Vielha e Mijaran.
Ena presentacion dera demana, s’aurà de liurar era sollicitud segons modèl normalizat, damb donades e signatura deth demanant e deth menor, presentacion d’ua fotocòpia deth pair/mair/tutor legau, e en cas de demanants estràngers se poderà presentar eth NIE, eth permís de residéncia o passapòrt. Tanben serà de besonh presentar era declaracion dera renda de 2019 entàs ajudes des libres de tèxte e es donades deth compde bancari e eth titular deth madeish.
Er airau de secretaria avalorarà es sollicituds, e eth listat definitiu serà aprovat pera Junta de Govèrn. Es sollicituds aprovades seràn publicades en taulèr d’Edictes Municipaus e es denegades seràn notificades individuaument.