Notícies Veir istoric
Vielha e Mijaran met en foncionament, un ostiu mès, eth servici toristic deth Trenet
Eth servici foncionarà der 11 de junhsèga enquiath 13 de seteme, en tot èster obligatòri er emplec des mascaretes, damb aforament ath 100% dera sua capacitat e en tot mantier es prètzi d’ans anteriors
Un
ostiu mès era empresa Ilertren
met en foncionament, a compdar d’aguest dissabte, eth servici
toristic deth Trenet damb eth qu’es visitaires pòden contemplar
eth patrimoni culturau e naturau deth municipi.
Ena naua normalitat ena que mos trapam en aguest ostiu, s’apliquen desparières mesures de seguretat. Toti/es es usatgèrs/ères auràn de portar obligatòriament era mascareta pendent eth viatge. Atau madeish, s’amiarà a tèrme ua desinfeccion complèta deth Trenet dempús de cada emplec. E, se mantierà er aforament totau deth 100% des places disponibles.
Eth Trenet serà en funcionament der 11 de junhsèga enquiath 13 de seteme. Er orari ei de 10:30 a 13:30 e de 17:30 a 21:00, e era gessuda se realizarà des dera Avd. Pas d’Arró, ath costat deth parcatge des militars.
11/07/2020