Notícies Veir istoric
Aguest ostiu era piscina deth pòble de Gausac demorarà barrada ath public
Era EMD de Gausac non aufrirà aguest servici deuant era impossibilitat de poder mantier es normes de seguretat e igiene vigentes com a conseqüéncia deth COVID-19
Aguest ostiu era piscina de Gausac demorarà barrada ath public. Era EMD de Gausac a prenut aguesta decision deuant era impossibilitat de poder mantier es normes de seguretat e igiene vigentes.
En aguest sens, per tant, non i aurà cap des servicis que s’aufrien es auti ans as usatgèrs: ne piscina ne bar.
Era crisi sanitària dera COVID-19 d’enguan a provocat que sigue dificil poder amiar a tèrme era gestion abituau d’aguest tipe de servicis, de manèra qu’era decision mès avienta ei era de non daurir era installacion, en tot ajornar-la enquiath pròplèu ostiu, s’es condicions de seguretat en relacion ara pandémia melhoren.
Ara madeish era prioritat ei velhar pera salut dera gent e evitar que pendent aguest ostiu i age un naut risc de repunt dera COVID-19, dempús de qu’es autoritats competentes e era Organizacion Mondiau dera Salut an avertit dera nauta probabilitat d’ua dusau ondada deth coronavirus ara fin der ostiu o ena tardor.