Notícies Veir istoric
A compdar deth 15 de junh se daurís eth periòde de preinscripcion ena Escòla Mairau “Era Cunhèra” de Vielha entath cors escolar 2020/21
Se poderà hèr era preinscripcion enquiath 30 de junh, damb cita prealabla en telefòn 973640018, ara quau sonque i poderà anar ua persona damb es mesures igieniques vigentes, mès tanben se poderà hèr telematicament ena web der Ajuntament
Deth 15 ath 30 de junh s’establís eth periòde de preinscripcion entar alumnat dera Escòla Mairau “Era Cunhèra” de Vielha entath cors 2020/21, de P0, P1 e P2.
Dempús
d’auer ajornat aguest periòde de preinscripcion coma conseqüéncia
dera crisi sanitària dera COVID-19,
es pairs/mairs ja pòden inscríuer
as sòns hilhs/es entath pròplèu cors escolar. Entà pode’c hèr,
auràn de seguir es següents passi: s’aurà de demanar cita
prealabla en tot trucar ath telefòn 973640018,
sonque i poderà anar ua persona a realizar era sollicitud en tot
respectar es mesures igieniques que son de besonh en aguest moment
(sustot emplec dera mascareta), e aguesta persona aurà de portar
tota era documentacion fotocopiada
(fotocòpia deth libre de familha, fotocòpia deth DNI des
pairs/mairs, certificat de convivença der/a alumne/a e eth contracte
de trabalh des pairs/mairs). Ath delà, tanben serà possible
realizar era preinscripcion de manèra telematica ena plana web der
Ajuntament de Vielha e Mijaran, www.vielha-mijaran.org,
en
tot ramplir ua instància generau e adjúnher era documentacion
corresponenta abantes dera finalizacion deth tèrme corresponent.
Un viatge finalizada era preinscripcion, eth 8 de junhsèga se publicarà eth listat der alumnat provisionau, e es dies 9 e 10 de junhsèga se daurirà un tèrme entà presentar ua reclamacion. Atau, eth 15 de junhsèga se realizarà un sorteig ena sala de plens der Ajuntament de Vielha e Mijaran en cas de que i age un empat enes sollicituds, e calgue ordenar-les. Eth 20 de junhsèga se publicarà era lista de sollicituds damb era puntuacion definitiva, der alumnat admetut e, s’ei de besonh, era lista de demora. Fin finau, deth 22 ath 30 de junhsèga se daurirà eth periòde de matriculacion des mainatges e mainades entath pròplèu cors escolar.
12/06/2020