Notícies Veir istoric
Concors d’Adjudicacion deth servici de telefonia, linhes de votz e donades e internet
Der Ajuntament de Vielha e Mijaran
Enquiath pròplèu 7 d’octobre, ei daurida era convocatòria d’adjudicacion deth “servici de Telefonia, servici de linhes de votz e donades e Internet der Ajuntament de Vielha e Mijaran”, en tot tier en compde era aufèrta economica mès aventatjosa, conforme un acòrd dera Junta de Govèrn locau.
Aguest concors public ei dirigit a enterpreses de telefonia, linhes de votz e donades e Internet e ei dirigit entà provedir aguesti servicis ath consistòri deth cap-lòc dera Val d’Aran entàs pròplèus quate ans. Era convocatòria demore daurida enquias 14 ores deth 07 d’octobre, 15 dies naturaus a compdar dera sua publicacion en BOP de Lhèida, segons acordèc era Junta de Govèrn locau eth passat 12 de seteme.
Era dubertura de sobres se realizarà eth tresau dia abil dempús dera finalizacion deth tèrme de presentacion d’aufèrtes. Entà conéisher toti es detalhs dera convocatòria se pòden visualizar es bases deth concors. Es interessadi pòden enviar es sues prepauses e dobtes a info@vielha-mijaran.org