Notícies Veir istoric
Eth 13 de mai s’inície eth procediment de preinscripcion der alumnat dera Escòla Garona e der INS d’Aran entath cors escolar 2020/21
Ambdús centres educatius an abilitat eth procediment telematic e presenciau damb cita prealabla deth 13 ath 22 de mai
Eth pròplèu 13 mai s’inície eth procediment de preinscripcion der alumnat dera educacion primària e segondària, entath cors escolar 2020/21, a on per arrasons de seguretat coma conseqüéncia deth covid-19, s’an abilitat dus sistèmes entà formalizar era preinscripcion: un telematic a trauès dera web http://queestudiar.gencat.cat, e un aute presenciau damb cita prealabla, e aufriràn atencion telefonica deth 13 ath 22 de mai pes maitins entà resòlver dobtes.
Era
Escòla Garona de Vielha a abilitat eth periòde deth 13 ath 22 de
mai entà qu’es
pairs e mairs des alumnes de primària, poguen realizar era
preinscripcion des sòns/sues
hilhs/es
de forma telematica e a trauès dera web. D’autaa
banda, deth 19 ath 22 de mai se daurirà un dusau tèrme entà
formalizar es preinscripcions presenciaus, damb cita
prealabla. Entà tot eth procès, er orari d’atencion serà de 9:00 a
13:30, a trauès deth nombre de telefòn 973640028.
D’autaa banda, er INS d’Aran tanben començarà eth periòde de preinscripcion entar alumnat dera educacion segondària eth madeish dia 13 de mai, en orari de 09:00 a 13:00, a trauès deth procediment telematic, enquiath 22 de mai a trauès deth portau. Atau madeish, deth 19 ath 22 de mai se daurirà un procediment excepcionau entàs preinscripcions presenciaus, damb cita prealabla. Eth telefòn de contacte damb eth centre entà formalizar dites preinscripcions ei eth 973643761. Tota era documentacion que sigue de besonh, se poderà enviar ath corrèu electronic oficiau deth centre: iesdaran@gmail.com