Notícies Veir istoric
Inauguracion dera dusau fase d’òbres dera entrada de Vielha
S’a bastit ua plaça damb una gran crotz occitana
Deluns que ven 29 de seteme en motiu dera hèsta de Sant Miquèu, patron de Vielha, s’inaugure era naua entrada deth cap-lòc dera Val d’Aran damb ua plaça a on lutz ua grana crotz occitana e tanben se realizarà era tradicionau missa ena glèisa de Sant Miquèu.
Entàs 18.30 ores ei prevista era inauguracion dera naua entrada de Vielha, a on s’an assolidat infrastructures e melhorat es trepaders, canalizacions de servicis, redistribuït e cambiat eth paviment deth parcatge e s’a elaborat ua petita plaça a on lutz ua gran crotz occitana. Tant eth baile de Vielha, Alex Moga, coma eth Sindic d’Aran, Carlos Barrera, auràn ues paraules eth motiu dera inauguracion.
Entàs 19.30 ores començarà era missa en aunor a Sant Miquèu ena glèisa que pòrte eth sòn madeish nòm, en centre de Vielha. Ath finalizar era celebracion religiosa, sus es 20 ores, i aurà còca e cava entà toti enes cubèrts der Ajuntament de Vielha.
23/09/2014