Notícies Veir istoric
Er Ajuntament de Vielha e Mijaran e er Institut d’Aran meten en foncionament eth Projècte de Servici Comunitari
Damb aguesta iniciativa, onze alumnes de 3au d’ESO amiaràn a tèrme prètzhèts pròpris dera Escòla Mairau, eth Casau deth Jubilat e eth Palai de Gèu
Er Ajuntament de Vielha e Mijaran e er Institut d’Aran an signat un acòrd damb eth quau meten en foncionament eth projècte de Servici Comunitari qu’amiaràn a tèrme es alumnes de 3au d’ESO en municipi de Vielha e Mijaran.
Aguest projècte preten qu’onze escolars d’aguest centre educatiu desvolòpen es prètzhèts qu’es trabalhadors de diuèrses installacions municipaus amien a tèrme abituaument. En aguest cas i aurà sies alumnes ena Escòla Mairau "Era Cunhèra", dus en Casau deth Jubilat "Sant Miquèu" e dus en Palai de Gèu.
Er Institut d’Aran e es diuèrses entitats collaboradores elaboraràn un plan de trabalh conjunt a on s’establiràn es objectius e es servicis concrèts d’aguest servici comunitari, en tot concretar es persones implicades, autant der Institut coma trabalhadors dera entitat, eth calendari d’amassades de coordinacion, es documents emplegats e es mecanismes de seguiment e contròl.
Un viatge finalizada era activitat, er Institut avalorarà as alumnes qu’i prenen part e elaborarà ua memòria avalorativa deth projècte, en tot informa’c ath Conselh Escolar.
"Èm satisfèti d’auer signat aguest compromís damb er Institut d’Aran, pr’amor que credem fòrça interessant qu’es adolescents comencen a desvolopar prètzhèts ena comunitat, entà que s’inicien en mon laborau, damb practiques", comente eth baile de Vielha e Mijaran, Juan Antonio Serrano. E hig que "es nòstes installacions municipaus son emplaçaments avienti entà qu’es alumnes poguen gaudir d’aguesta experiéncia".
04/03/2020