Notícies Veir istoric
Er Ajuntament de Vielha e Mijaran renauís eth convèni damb era AMPA dera Escòla Garona
Eth consistòri contunharà aportant ua ajuda economica entara crompa d’ordinadors entàs alumnes de 4au cors dera Educacion Primària
Er Ajuntament de Vielha e
Mijaran e era AMPA dera Escòla Garona an renauit eth convèni entre ambdues
institucions entar actuau cors escolar.
Damb aguest acòrd, eth
consistòri collaborarà damb ua aportacion de 3500€ entà qu’era associacion
pogue crompar ordinadors entàs escolans de 4au cors dera Educacion Primària.
Er acòrd siguec signat peth
baile der Ajuntament de Vielha e Mijaran, Juan Antonio Serrano, e era
presidenta dera AMPA dera Escòla Garona, Sara Sánchez.
“Des
der Ajuntament, credem qu’ei fòrça de besonh qu’es nòsti/es alumnes agen eth
materiau tecnologic avient entà poder desvolopar es sòns estudis. Tostemp auem
balhat supòrt as escòles deth municipi, e per aquerò, les contunharam ajudant
en tot çò qu’agen de besonh, pr’amor qu’era sua formacion ei clau entath sòn
futur”, comente
eth baile de Vielha e Mijaran, Juan Antonio Serrano.