Notícies Veir istoric
Vielha e Mijaran adjudique eth servici dera Marcha Nordica entàs pròplèu dus ans
Dempús dera licitacion, aguesta activitat iniciada en 2018 entà promòir er espòrt e melhorar era salut, contunharà aufrint un calendari fixe de gessudes pendent tot er an
Er Ajuntament de Vielha
e Mijaran a adjudicat eth servici dera Marcha Nordica entàs pròplèu dus ans,
dempús d’auer licitat aguesta activitat.
Un viatge finalizat
aguest concors, se garantize eth desvolopament abituau d’aguesta modalitat
esportiva pendent tot er an, en tot auer-i activitat de gèr a deseme. Coma ja
s’auie establit enquiara, era Marcha Nordica mantierà es tres modalitats
existentes: Sportive (damb intensitat miejana, deluns de 18:00 a 21:00),
Healthy (damb intensitat baisha, dimars e dijaus de 18:00 a 20:15) e Social
(damb intensitat nauta, dissabte de 09:30 a 13:30). En totau i aurà 142
gessudes entre es diuèrses modalitats, aumentant sensiblament es gessudes
realizades en ans anteriors.
Enguan, coma nauetat, se
poderie arribar a crear ua naua modalitat de gessuda (Healthy Plus), dirigida a
gent damb ua forma fisica mès justa o que la realizèssen per prescripcion
medica.
Coma enquiara, era
Marcha Nordica serà totaument gratuïta entàs vesins de Vielha e Mijaran, e er
Ajuntament facilitarà es garròts entà amiar a tèrme era activitat, qu’a era
plaça dera glèisa de Vielha coma punt de trobada.