Notícies Veir istoric
Er Ajuntament de Vielha e Mijaran daurís era convocatòria deth 1èr periòde de subvencions de 2020
Enquiath 31 de març, totes aqueres entitats que volguen, poderàn demanar ajudes entàs activitats restacades damb es airaus des espòrt, era musica, cultura, joenessa, servicis sociaus, torisme, hèstes, ensenhament e cooperacion
Er Ajuntament de Vielha e
Mijaran met a disposicion des ciutadans eth prumèr periòde de subvencions de
2020 en municipi, a compdar dera sua pròplèu publicacion en BOP.
Enquiath 31 de març, totes
aqueres entitats que volguen, poderàn demanar ajudes entàs activitats
restacades damb es airaus der espòrt, era musica, cultura, joenessa, servicis
sociaus, torisme, hèstes, ensenhament e cooperacion entre d’auti.
Es activitats que poguen èster
subvencionades, s’an de desvolopar pendent er 1 de deseme de 2019 e eth 30 de
noveme de 2020 (includidi) a excepcion des activitats que se realizen en
relacion ath cors escolar. Es subvencions pòden demanar-se a trauès dera sedença
electronica der Ajuntament de Vielha e Mijaran o directament ena sedença fisica
deth consistòri en orari des 09:00 as 14:00.
Un viatge finalizada era
convocatòria, er Ajuntament notificarà as interessadi era resolucion de
concession o arrefús des subvencions en un periòde de tres mesi. Ath delà, se
procedirà a publicar en BOP de Lhèida era lista de subvencions autrejades e
tanben en tablèu d’anoncis der Ajuntament.