Notícies Veir istoric
Vielha e Mijaran signe convènis de practiques d’estudiants damb er Institut d’Aran e eth Lycée Notre-Dame de Garaison de Lannemezan
Aguesta accion ei frut d’un acòrd entre er Ajuntament e ambdús centres educatius entà auer estudiants en practiques en diuèrsi servicis municipaus
Un an mès, diuèrsi estudiants/tes
se trapen en tot hèr practiques en desparièrs equipaments municipaus de Vielha
e Mijaran.
Concretament son tres alumnes:
dus der institut d’Aran e un deth Lycée Privé Notre-Dame de Garaison, que
realizen aguestes practiques en Palai de Gèu, ena Bibliotèca Generau de Vielha
e ena Oficina Tecnica.
Er acòrd entre er Ajuntament
de Vielha e Mijaran damb es dus centres educatius permet qu’aguesti/es
estudiants/tes realizen practiques de sèt ores diàries de deluns a diuendres
pendent eth cors escolar, en tot auèr eth son prumèr contacte damb eth mon
laborau.
Es servicis municipaus a on
realizen es practiques d’estudi son eth Palai de Gèu, era Bibliotèca Generau de
Vielha e enes servicis administratius der Ajuntament e dera Oficina Tecnica ath
long deth cors. Aguest hèt permet aufrir era possibilitat de balhar accès ara
joenessa tà conéisher de prumèra man eth foncionament dera administracion
publica e formar-se en era.
“Des der Ajuntament mantenem
aguest acòrd damb er Institut d’Aran e damb eth Lycée Privé Notre-Dame de
Garaison, entà qu’aguesti/es joeni/es agen eth sòn prumèr contacte damb eth mon
laborau e poguen veir es possibilitats laboraus que
les pòt aufrir ua administracion publica", comente eth baile de Vielha e
Mijaran, Juan Antonio Serrano.
16/12/2019