Notícies Veir istoric
Era Generalitat de Catalunya inície es trabalhs dera Enquèsta de violéncies sexuaus de 2019 en Catalonha
Es vesies de Vielha e Mijaran de mès de 16 ans pòden recéber pendent aguest mes de deseme ua trucada entà èster entrevistades, e hèr part dera mòstra en tot parlar des sues experiéncies personaus
A compdar deth mes de noveme, era Generalitat de Catalunya inicièc era elaboracion dera Enquèsta de violéncies sexuaus de Catalunya (EVSC), en tot conformar ua mòstra d’apuprètz 10.000 hemnes de mès de 16 ans residents en Catalonha.
En aguest sens, pendent aguest mes de deseme, es vesies de Vielha e Mijaran de mès de 16 ans pòden èster trucades per persones que trabalhen en aguesta enquèsta, entà hèr part d’aguesta mòstra, en tot parlar des sues experiéncies personaus coma victimes de violéncia masclista.
Era EVSC ei ua enquèsta integrada en Plan estadístic de Catalonha que s’amièc a tèrme per prumèr viatge en 2010. Aguesta enquèsta arremasse es experiéncies de victimizacion des hemnes de Catalonha, e complemente es donades que provien des registres policiaus. Per aguest motiu, ei un estrument de grana utilitat entara planificacion e avaloracion des politiques publiques en aguest airau.
Vielha e Mijaran ei un municipi sensibilizat damb aguest ahèr. Laguens deth Plan d’Igualtat d’Oportunitats entre Hemnes e Òmes aprovat en 2018, enguan s’a activat eth protocòu de seguretat contra es violéncies sexuaus en activitats d’òci, en tot prebotjar diuèrses accions coma son eth plaçament d’un Punt Segur pendent era darrèra Hèsta Major de Vielha, era formacion ara Comission de Hèstes e ath personau der Ajuntament.
09/12/2019