Notícies Veir istoric
Fòrça canaus dera TDT des pòbles de Vielha e Vilac cambiaràn de freqüéncia enes pròplèu mesi
Aguesta modificacion ei frut des trabalhs qu’era Generalitat de Catalunya amie a tèrme entà adaptar er espaci radioelectric entath futur desplegament deth 5G
A compdar d’aguest mes de deseme, enes viuendes de Vielha e Vilac i aurà un cambi ena freqüéncia de fòrça canaus de television dera TDT. Un cambi que se realizarà progressivament pendent es pròplèu mesi e que depenerà deth centre emissor ath quau ei orientada era antena. En Vielha ei previst qu’aguesti trabalhs comencen eth pròplèu 16 de deseme, e en pòble de Vilac son previsti entath pròplèu 3 de hereuèr.
Aguestes modificacions son en conseqüéncia des trabalhs qu’era Generalitat de Catalunya amie a tèrme ena adaptacion der espaci radiolectric entath desplegament des futurs hilats de comunicacion 5G. Aguest procés ei coneishut coma Dusau Dividend Digitau e a d’èster completat en tot Catalonha eth 30 de junh de 2020, d’ací era rapidesa ena actuacion.
Atau, enes viuendes unifamiliares o bastisses d’enquia tres o quate viuendes, un viatge s’agen alugat es naui canaus, sonque serà de besonh hèr-ne era resintonizacion damb eth comandament a distància deth televisor.
Enes bastisses mès granes calerà contactar damb ua empresa installadora de telecomunicacions omologada entà que hèsquen es adaptaciones de besonh ena antena. Un viatge hèt açò, cada vesin/ia aurà de resintonizar es canaus de television.
Eth cambi enes freqüéncies des canaus serà dirècte, de manèra que non i aurà temps entà adaptar-se a d’aguesti cambis. Per tant, es canaus sonque se veiràn pera freqüéncia naua.
05/12/2019