Notícies Veir istoric
Er Ajuntament de Vielha e Mijaran regule es abitatges toristic
Ath deuant dera problematica de manca de viuenda de loguèr qu’existís en municipi e er increment de prètzi des darrèri ans s’inicie era modificacion des normes e planejament des habitatges d’emplec toristic
Vielha e Mijaran a decidit frenar era proliferacion des abitatges toristics deth municipi. Ua mesura qu’a coma objectiu afavorir eth dret ar abitatge e que garantisque un parc inmobiliari estable de viuendes en regim de loguèr, ath viatge que se procure ua insercion avienta der emplec d’abitatge d’emplèc toristic en teishit urban, en tot garantir era qualitat de vida des residents deth municipi.
En darrèr plen ordinari der
Ajuntament de Vielha e Mijaran s’aprovèc damb es vots a favor des grops politics
municipaus d’Unitat d’Aran e Amassa, e damb era abstencion de Convergéncia
Democratica Aranesa, era modificacion iniciau des normes subsidiàries e de
planejament des abitatges d’emplec toristic.
Damb aguesta aprobacion iniciau, se prepause qu’es abitatges d’emplec toristic se pogue aplicar en viuendes unifamilhares, e en cas des edificis plurifamilhars s’aurà de destinar tot er edifici a abitatge toristic. Aguesta modificacion preten fomentar er accés ara viuenda des vesins e es vesines de Vielha e Mijaran en tot sajar d’arturar era pujada des prètzi de loguèr condicionat peth sector toristic, atau coma evitar situacions de conflicte enes comunitats de vesins degudes a molèsties produsides per usatgèrs esporadics.
En 2018, eth plen deth consistòri ja debatec aguesta modificacion, qu’alavetz non prosperèc e s’ajornèc enquiath plen deth passat dimèrcles. Des dera manca d’acòrd per part des grops politics de Convergéncia Democratica Aranesa e Ciutadans ena pasada legislatura sus aguesta regulacion, en Vielha e Mijaran a aumentat ath torn de 250 era donada d’abitatges d’usatge toristic.
“Aguesta
modificacion des normes en relacion as viuendes d’emplec toristic preten prioritàriament
garantir eth dret fonamentau der accés ara viuenda as vesins e vesines de
Vielha e Mijaran a un prètz digne, en tot assegurar era abitabilitat, era convivéncia,
e eth descans de tota era ciutadania”,
comente eth baile de Vielha e Mijaran, Juan Antonio Serrano.
29/11/2019