Notícies Veir istoric
Signatura deth convèni collectiu der Ajuntament de Vielha e Mijaran
Deluns 22 de seteme, eth baile de Vielha e Mijaran, Alex Moga, e eth president deth comitè d’enterpresa deth consistòri signèren eth nau convèni collectiu des trabalhadors der Ajuntament ena sala de plens.
Eth nau acòrd substituís ar anterior qu’ère en vigor a compdar de 2001, e dempús des negociacions apertientes s’a pogut concretar damb satisfaccion pes dues parts. Se mantien es drets des trabalhadors e s’an redigit de naui, mès concòrdes damb es besonhs actuaus.
Eth baile de Vielha a volut “arregraïr a toti es qu’an participat ena negociacion deth convèni eth sòn esfòrç e collaboracion. S’an mantengut toti es drets des trabalhadors que ja auien e s’an includit de naui entà melhorar tant era gestion deth lòc de trabalh coma era sua qualitat”. Moga a apuntat que “ei un convèni de responsabilitat compartida e volem que se complisque peth ben des nòsti trabalhadors”.
22/09/2014