Notícies Veir istoric
Era sedença electronica der Ajuntament de Vielha e Mijaran abilite un espaci d’informacion sus es eleccions deth 10-N
En aguest nau apartat se poderà consultar eth cens electorau atau coma realizar consultes e tramits damb er INE
Era sedença electronica der Ajuntament de Vielha e Mijaran compde damb un nau apartat d’informacion e tramits sus es eleccions generaus deth pròplèu 10 de Noveme.
Aguesta plana web ei dividida en dus airaus: Per un costat, se pòt descargar eth calendari electorau e se pòt consultar es resultats electoraus d’auti procèssi ena plana deth Ministerio del Interior. Eth dusau airau tracte sus apartats especifics damb tot tipe d’informacion restacada damb aguestes pròplèu eleccions deth 10-N. Es airaus abilitadi son: Cens Electorau, Ès membre dera Taula Electorau?, Com Votar e Qué succedís damb eth mèn vòt?
En prumèr airau se pòt consultar era inscripcion en cens electorau, sollicitar era inclusion/exclusion enes enviaments de prograganda electorau e un apartat sus FAQS (preguntes frequentes sus eth Cens Electorau). Tanben i a un apartat sus es Taules Electoraus, a on s’i trapen links a vidèos entà saber qué a de hèr un membre d’ua taula electorau, un aute sus coma s’a de realizar er escrutini, infografies sus era Mesa Administrada Electronicament (MAE) e un article sus informacion generau entàs membres dera Mesa. Un aute des apartats ei sus Com Votar. Aciu s’i trape un vidèo damb es passi a realizar tà votar presenciaument. Ath delà, i a diuèrses infografies sus coma votar per corrèu, coma pòt votar era gent que viu en estrangèr e es diferéncies entre un vòt nul e un vòt en blanc. Fin finau, i a un darrèr apartat que tracte sus era destinacion deth vòt, damb link a un vidèo que parle sus es passi que da eth vòt un viatge depausat ena urna, e damb diuèrsi articles que tracte sus es efèctes dera abstencion, deth vòt en blanc e deth nul, e un aute sus tot çò que cau saber dera Lei d’Hondt.
Tota aguesta informacion se pòt trapar en tot accedir ara sedença electronica der Ajuntament de Vielha e Mijaran, o ben, en accès ara plana web https://www.espublico.com/elecciones/ca/