Notícies Veir istoric
Aguest dimèrcles Vielha acuelh era 9au Mòstra de Cinèma Etnogràfic “Pirinèu Recuperat”
Ena Sala d’actes Era Audiovisuau se poderàn veir quate documentaus damb imatges lèu inedites: Huevecillos (1986), La Trashumancia en el Pirineo (1991), Los Aserradores (1996) e El Yugo (1996)
Aguest dimèrcles 16 d’octobre, era Sala d’actes Era Audiovisuau de Vielha acuelherà era 9au Mòstra de Cinèma Etnogràfic “Pirinèu Recuperat” a compdar des 19:00. Aguesta activitat gratuïta consistís ena projeccion de documentaus filmics damb imatges lèu inedites, antigues e de gran valor documentau deth Parc Nacionau d’Aigüestòrtes e Estanh de Sant Maurici corresponentes ath sègle XX.
Es documentaus escuelhudi son: “Huevecillos (1986)”, “La Trashumancia en el Pirineo (1991)”, “Los Aserradores (1996)” e “El Yugo (1996)”. Toti es documentaus son dirigidi per Eugenio Monesma.
Segontes Maria Vergés, còsso de cultura de Vielha e Mijaran, “aguesta Mòstra de Cinèma Etnogràfic mos permet recuperar, e en fòrça casi descorbir, imatges inedites e istoriques sus eth passat dera nòsta societat”. E hig qu’”ei era melhor manèra de gaudir, en aguest cas, damb imatges sus era pagesia e er esquí des ans 50 e 80 deth sègle XX”.
Damb era projeccion d’aguesti quate documentaus filmics, Vielha barre era edicion d’enguan dera Mòstra de Cinèma Etnografic, en tot èster eth tresau viatge que Vielha e Mijaran participe en aguesta activitat.