Notícies Veir istoric
Vielha e Mijaran bonificarà as familhes monoparentaus en prètz dera Escòla Mairau “Era Cunhèra” de Vielha
Aguesta mesura se some as descompdes e bonificacions que ja s’amiaue a tèrme enquiara as familhes nombroses residents en Vielha e Mijaran
Eth plen der Ajuntament de Vielha e Mijaran amassat aguest dimèrcles en session ordinària, a aprovat era Modificacion dera Ordenança Fiscau Reguladora, a trauès dera quau es familhes monoparentaus deth municipi se profitaràn de descompdes e bonificacions en prètz ena Escòla Mairau “Era Cunhèra” de Vielha damb era matriculacion des sòns hilhs/es.
Aguesta mesura se hig ara bonificacion qu’enquiara ja recebien es familhes nombroses residents en Vielha e Mijaran, e qu’ei fòrça de besonh, pr’amor qu’enes familhes monoparentaus es hilhs/es depenen economicament sonque d’un progenitor e açò implique, generaument, non crubar ua pension d’aliments der aute cònjuge.
D’aute biais, eth baile de Vielha e Mijaran, Juan Antonio Serrano a balhat compde dera situacion actuau que viu eth Palai de Gèu dempús dera pana ena canerada generau d’aigua patida aguest passat dimenge. Ara madeish era installacion se trape daurida ath public, damb era màger part des sales e des activitats dirigides disponibles as usatgèrs, dempús dera rapida e eficienta intervencion per part dera brigada municipau, eth personau deth Palai, eth personau de neteja e era brigada deth Conselh Generau d’Aran, que s’an implicat per prumèr viatge en ajudar en foncionament dera installacion.