Notícies Veir istoric
Vielha e Mijaran daurís era convocatòria de concors d’ua plaça d’auxiliar e ua de tecnic d’educacion infantila entara Escòla Mairau “Era Cunhèra” de Vielha
Es interessadi/es en participar n’aguest procès de seleccion pòden presentar es sollicituds enquiath pròplèu 9 d’octobre en Registre Electronic Generau der Ajuntament
Er Ajuntament de Vielha e Mijaran daurís era convocatòria de concors a ua plaça de tecnic/a (grup C1, nivèu 13) e ua d’auxiliar (grup AP) en educacion infantila ena Escòla Mairau “Era Cunhèra” de Vielha, e qu’ei publicada en BOP 168 deth 30 d’agost e en DOGC 7656 deth 9 de seteme).
Es interessadi/es en opositar a ua d’aguestes places pòden presentar es sollicituds enquiath pròplèu 9 d’octobre en Registre Electronic Generau deth pròpri Ajuntament municipau.
Es dues places que gessen a concors supausaràn un totau de 35 ores setmanaus (jornada complèta) en règim de personau laborau interin. Era plaça de tecnic serà efectiva enquia que se pogue corbir damb un contracte fixe, en tot qu’era vacanta d’auxiliar serà en vigor enquiara reincorporacion dera titulara dera plaça.
Es bases, er anonci e eth modèu de sollicitud deth concors son publicadi en Bulletin Oficiau dera Província de Lhèida e en tablèu d’anoncis e ena sedença electronica der Ajuntament de Vielha e Mijaran. Eth link entà poder auer tota era informacion ei eth següent: www.vielha-mijaran.org/ar/menu/er-ajuntament-/14/gestion-municipal/23/auf-tilde-umlrta-aucupacionau/30/
13/09/2019