Notícies Veir istoric
Informacion des talhs de transit damb motiu dera Hèsta Major de Vielha
Er Ajuntament de Vielha e Mijaran informe que deth 7 ar 11 de seteme, damb motiu dera Hèsta Major de Vielha, s’amiaràn a tèrme diuèrsi talhs de transit en bona part des carrèrs deth cap-lòc dera Val d’Aran.
Deth 7 ar 11 de seteme, era Avenguda Castièro, eth Passeig dera Libertat e era Avenguda Pas d’Arró (enquiath Carrèr Querimònia), seràn barradi ath transit entre es 17:00 e es 21:00.
Dissabte 7 de seteme, damb motiu dera Passavila, i aurà talhs intermitents e desviaments de transit ena Avenguda deth Solan, Avenguda Pas d’Arró, Avenguda Castièro, Passeig dera Libertat, Avenguda Garona e Via de Servici ena N-230 en sentit França, entre es 18:00 e es 19:30.
Dimenge 8 de seteme, damb motiu dera processon dera Hèsta Major, i aurà talhs intermitents ena Avenguda Castièro, en Passeig dera Libertat, Avenguda Calbetó Barra e era Via de Servici ena N-230 de Vielha, entre es 10:30 e es 11:00, e es 12:00 e es 13:00. Atau madeish, se demane as vesins e vesies deth Carrèr Comet que retiren es veïculs parcadi, pr’amor qu’entre es 17:00 e es 20:00 i aurà actuacion infantila.
Deluns 9 de seteme, i aurà session de balh en Carrèr Comet entre es 17:00 e es 21:00, per aquerò se demane as vesins e vesies deth Carrèr Comet que retiren es veïculs parcadi.
Dimars 10 de seteme, i aurà talhs intermitents e desviaments de transit ena Avenguda Castièro e Pas d’Arró entre es 12:00 e es 13:00 damb motiu dera Baishada deth Cap dera Vila. Atau madeish, tanben i aurà aguesti talhs en Passeig dera Libertat entre es 12:00 e es 14:00.
E dimèrcles 11 de seteme, i aurà talhs intermitents en Carrèr Querimònia entre es 21:30 e es 22:30 damb motiu des huecs d’artifici.