Notícies Veir istoric
Er Ajuntament de Vielha e Mijaran realize trabalhs de mantenement e conservacion d’ua part des murs deth cementèri de Vielha
S’an refortilhat part des murs ath cant des càvots que i a ena part nauta deth cementèri, a on s’i a plaçat husta e losat a on mancaue tet, e s’a retetat e s’an rebocat es murs pera part exteriora, qu’èren en un estat deficient
Pendent aguesti darrèri dies, er Ajuntament de Vielha e Mijaran a realizat diuèrsi trabalhs de mantenement e conservacion d’ua part des murs deth cementèri de Vielha, pr’amor que se trapaue en un estat plan deficient.
Era intervencion a consistit en méter-i husta e losat en ua part des murs que i a ena part nauta deth cementèri (ath cant deth carrèr Metdia), pr’amor qu’ère er unic lòc a on i mancaue proteccion des cavòts d’aguest parçan deth cementèri. En aguest madeish endret, tanben s’a retetat part deth losat que i a enes tets dessús des murs a on son plaçadi ua part des cavòts e s’an rebocat es murs pera part exteriora. Tot aguest conjunt d’accions èren de besonh pera deficiéncia que presentaue enquiara aguest zòna deth cementèri.
"Es intervencions que s’an amiat a tèrme èren fòrça urgentes, pr’amor qu’era part des murs deth cementèri que son ena part deth carrèr Metdia èren en un estat maumerenc e perilhós entàs cavòts que se trapen en aguest endret", comente eth còsso d’Òbres e Servicis, Jacint Cuny. E hig qu’"ara auem un cementèri fòrça mès suenhat e enes condicions avientes entà superar quinsevolh tipe de situacion climatologica advèrsa que podesse méter en risc er estat des cavòts".
25/06/2019