Notícies Veir istoric
Er Ajuntament de Vielha e Mijaran realize òbres de melhora enes piscines interiores deth Palai de Gèu
En tot profitar que deth 24 ath 30 de junh era installacion ei barrada ath public, s’amiaràn a tèrme trabalhs de reabilitacion des vasi des piscines
A compdar deth 25 de junh, er Ajuntament de Vielha e Mijaran amie a tèrme trabalhs de melhora enes piscines interiores deth Palai de Gèu. D’aguesta manèra, s’actuarà en tot reabilitar es vasi des piscines. Aguesti prètzhèts afectaràn, per tant, ath normau foncionament dera installacion.
Era intervencion s’efectuarà des des vestiaris, en tot assolidar eth tet de dejós dera piscina, damb ua actuacion sus es mensules, que sostien es piscines pera sua part inferiora. Atau s’esvitarà que i poguen auer umiditats e filtracions d’aigua en equipament.
Ei per açò, que der 1 ath 7 de junhsèga non serà permetut eth banh en aguestes piscines. S’aguestes òbres de melhora des vasi des piscines finalizen segontes eth calendari previst, a compdar deth 8 de junhsèga tornaràn a èster dubèrtes ath public.
Eth gimnàs e era rèsta d’activitats dirigides de sala se desvoloparàn damb totau normalitat a compdar der 1 de junhsèga damb era naua dubertura deth Palai de Gèu.
“Aguestes òbres qu’amiam a tèrme enes piscines interiores deth Palai de Gèu, son de besonh entà melhorar eth servici qu’aufrim as usatgèrs en aguesta installacion”, comente eth còsso d’Espòrts, Alberto López. E hig que “demanam desencuses as usatgèrs pes molèsties que poguen ocasionar aguestes intervencions, que son en benefici d’ua melhora dera qualitat d’aguest equipament, que poderam gaudir toti a compdar d’aguest ostiu”.
24/06/2019